meena rashi men janm hone ke karan aap shraddhalu aur dharmik prawrtti ke ho sakate hain. gupt widyaon ke prati aapaka aakarshan hona swabhawik hai. ajnyat aur rahasy ki khoj men aapaki ruchi ho sakati hai. aap ek aadarshawadi wyakti hain. lekin kaee bar duniya ke kathor saty se door bhagakar unase bachane ke upay dhoondhane ke bajay aap diwa swapnon men kho jana chahate hain. aapamen janakalyan ki bhawana hai. aap saundary par jaldi mugdh ho jate hain. aam taur para, aap siddhanton ke anuyayi roodhiwadi hain, to aap dharmik riwajon aur prathaon ke palan men andhawishwasi, kathor bhi ho sakate hain.

pariwar: pariwarik mamalon ke liye yah sal achchha nahin kaha jayega isaliye ghar pariwar se jude mamalon ko nibatane men badi satarkata baraten. yadyapi aap apane pariwarik utthan ke liye kuchh mahatwapoorn kary karana chahenge, ho sakata hai aap usamen kisi kadar kamayab bhi ho jayen lekin usaka shrey aapako milane men sandeh hai. aapake mitr aur sahayogi jan aapani baton se mukar sakate hain. at: aatmanirbharata uchit rahegi. pariwar ke logon ke bartaw men bhi aap kuchh antar mahasoos karenge. in tamam karanon se aap manasik roop se kasht ka anubhaw karenge.

swasthy: swasthy ke lihaj se warsh ko anukool nahin kaha jayega. yadyapi bimari ya rog chhote hi honge lekin pareshani aksar bani rah sakati hai. rakt aur twacha se sanbandhit rogon ke panapane ki sanbhawana hai. is samay aapakon khan-pan par bhi niyantran rakhane ki aawashyakata hai kyonki pet se sanbandhit kuchh pareshaniyan bhi ho sakati hain. man men anajani aashanka se aap swayan ko dara anubhaw karenge. kabhi-kabhi bhram ki sthitiyan bhi utpann ho sakati hain. sharir ki garmi ke karan aap fode- fusinyon bhi panapengi. lekin ye sari pareshaniyan kuchh samay ke liye ho sakati hai aur shighr hi thik bhi ho jaya karengi.

prem: prem prasangon ke liye yah warsh adhik anukool nahin hai. yadi aap do nawon par sawar hona chahate hain yah sahi nahin hain. isaliye achchha yahi hoga ki sahi nirnay lene ka prayas karen. apane aacharan men shanti aur dhairy ka bhaw rakhen. yadi aapane poorw men kuchh sanbandhon ko bahut halke dhang se liya hai to usaka parinam ab bhugatana pad sakata hai. apani wani par poora niyantran rakhen anyatha aapake ghanisht mitr bhi aapase dooriyan banane lagenge. mitron ka sahayog apekshakrt kam milega jisase aapaka man ashant rah sakata hai. lekin yadi aap shadi shuda hain to waiwahik jiwan sukhad rahega.

karyakshetr: karyakshetr ke lihaz se yah sal bahut anukool nahin hai. malik ya kisi sattadhari se sanbandh bigad jane ke karan wyapar ya karyakshetr prabhawit rah sakata hai. kam dhandha achchha nahin chalega. len den ke wyapar men hani hone ki bhi sanbhawana hai. karyakshetr se sambandhit kuchh n kuchh pareshaniyan aapako sadaiw ghere rahengi. in tamam karanon ke chalate is awadhi men kisi naye kam ke bare men sochana ya naye kam ki shuruaat karana jokhim bhara kam hoga. aap swayan men aatmawishwas ki kami ka anubhaw karenge. yatraon se bhi koee wisheshalabh nahin hone wala hai at: wyarth ki yatraon se bachen.

dhan: is warsh ki shuruaat men aapaki aamadani prabhawit rahegi. is karan aarthik sthiti kamajor rahegi. kisi naye kam ko shuru karane ke liye bada niwesh karane se bachen anyatha dhan wyarth ho sakata hai. lekin is warsh achanak dhan prapti ke yog ban rahe hain. is awadhi men yadi kahin se wasiyat prapt hone ki ummid ban rahi hogi aur aap usako prapt karane ke liye ichchhuk honge to wah aapako is warsh aapako mil sakati hai. yadi aap juaan, latari aadi ke madhyam se kamaee karate hain to inamen bada niwesh karane se bachen.

vidya: is warsh ka pratham bhag aapaki shiksha ke liye anukool nahin hai. aap apani wishay wastu par poori tarah se dhyan kendrit nahin kar payenge. is warsh yadi aap kisi naye pathyakram men prawesh lena chah rahen hain to aapako sawadhani se kam lene jaroori hoga. naye pathyakram aur naye shikshan sansthan dono ke bare men widhiwat janakari lene ke bad hi prawesh lena thik rahega. lekin warsh ka doosara bhag aapake liye anukool rahega. jo log door desh men jakar shiksha lena chah rahe hain, unake liye bhi warsh ka doosara bhag anukoolata layega.

upay:

• apane sath chandi ka ek chaukor tukada rakhen.
• nahate samay pani men doodh dalen aur kisi patthar ya lakadi ke aasan par baith kar snan karen.
• mathe par kesar ya haldi ka tilak lagayen aur charitr uttam banaye rakhen.
• brhaspati mantr "om gran grin graun s: gurawe nam:" ka jap karen.