kanya rashi men janm lene ke karan aap mool roop se bauddhikata aur jnyan se paripoorn hai. rashi swami budh hai jo buddhi w jnyan ka pratik hai. at: aapaki ruchi kala aur sahity men ho sakati hai. aap wiweki, aarthika, kootanitik aur chatur hain. aapake wyaktitw men aakarshan ka bhaw hai is karan log aapase jald hi prabhawit ho jate hain. lekin aap wyawaharik prakrti ke bhedabhaw karane wale, aawegi aur bhawuk ho sakate hain. aapako bhale-bure ki pahachan hai tatha swabhaw se aap antarmukhi hai. aap ek achchhe lekhaka, sangit aur lalit kala se pyar karane wale ho sakate hain.

pariwar:yah warsh pariwarik mamalon ke liye mila jula rahega. hanlaki aapako pariwarik mahaul se sahara milega. pariwar ke sath aap tirthatan par ja sakate hain athawa pariwar ke kisi sadasy ke liye lambi yatra safaladayak siddh hogi. pariwar men naye sadasy ki badhottari hogi. jin logon ne pariwar ke kisi sadasy ke madhyam se koee wasiyat prapt karane ki ummid laga rakhi hai to unaki ichchha poori ho sakati hai. lekin rahu aur shani ka gochar anukool n hone ke karan pariwarajanon ki sabhi apekshayen poori n hone ke karan kuchh wiwad ho sakata hai aur gharalu watawaran tanawapoorn rah sakata hai. aap ghar ke mamalon men asuraksha ki bhawana se aakrant rahenge.

swasthy: swasthy ke lihaj se warsh ka adhikansh samay anukool rahega. is awadhi ka upayog aap man ko ekagr karane samadhi aur yog kriyaon ko karane ke liye bhi kar sakate hain. isase aapame utsah ka sanchar hoga aur apane swasthy ko achchha banaye rakhane men kamayab rahenge. lekin bich bich men chhoti moti bimariyan manasik shanti bhang kar sakati hain. kuchh gharalu mamalon ko lekar manasik kasht aur thakawat rah sakati hai. apane mata pita ke swasthy ka khayal rakhana bhi jaroori hoga. is awadhi men aankh ki pida bhi ho sakati hai.

prem: prem prasangon ke liye yah warsh anukool hai. jin logon ke jiwan men kisi prem patr ka abhaw tha unhen unake prem patr ki prapti hogi. yadi aap wiwah ke yogy hain to is warsh ke pratham bhag men hi sagaee athawa wiwah hone ke achchhe yog hain. us wiwah se aapako khoob labh hona chahiye athawa wiwah kisi kulin se ho sakata hai. yadi santan ko lekar aapake dil men koee uthal-puthal ho rahi thi to khush ho jayen. santan ko lekar chali aa rahi chintaon ka silasila khatm ho raha hai. jiwan sathi ke sath kahin ghoomane firane ka mauka bhi milega.

karyakshetr: karyakshetr ke lihaz se yah sal mishrit faladayi rahega. brhaspati ki anukoolata aapako kaee mamalon men safal banayegi. aap prachur safalata aur samman prapt karenge. kisi anubhawi wyakti ke milane ke aapake kam dhandhe ko ek naya anubhaw milega. apane kam ko poora karane ke liye aap men prachur utsah aur wishwas rahega. wyawasay ke liye ki gaee lambi yatrayen safaladayak siddh hogi. lekin rahu aur shani ki pratikoolata ke karan rojamarra ke kamon men aapako sawadhan rahane ki aawashyakata hai. naye udyamon se is awadhi men sambanddh n hon yadi hona bahut jaroori ho to mahatwapoorn dastawejon par bina dekhe dastakhat n karen aur jokhim uthane ki prawrti par bhi ankush lagaye.

dhan: dhan ki aamadani ki nirantarata men kuchh wyawadhan aa sakata hai. lekin is warsh achanak dhan prapti hone ke yog jaroor ban rahe hain. is awadhi men yadi kahin se wasiyat prapt hone ki ummid hogi ya aap usako prapt karane ke liye ichchhuk honge to wah aapako is warsh aapako mil sakati hai. wasiyat prapt karane ki sanbhawana hai to aap use prapt kar sakate hain. lekin kisi naye kam ko shuru karane ke liye bada niwesh karane se bachana jaroori hai. yadi aisa karana jaroori hi ho to bahut hi sawadhani poorwak niwesh karen.

vidya: is warsh ka pratham bhag aapaki shiksha ke liye poori tarah se anukool hai. lekin doosare bhag men aapakon kuchh wyawadhan mil sakate hain. is warsh yadi aap kisi naye pathyakram men prawesh lena chah rahen hain to aapako sawadhani se kam lene ki salah di jati hai. anyatha shiksha aur aarthik sthiti dono hi prabhawit ho sakati hain. naye pathyakram aur naye shikshan sansthan dono ke bare men widhiwat janakari lene ke bad hi prawesh lena thik rahega. door desh jakar shiksha lene ke ichchhuk logon ke liye warsh anukool hai. paramparagat shiksharthiyon ke liye bhi samay anukool hai.

upay:

• mathe par dahi ya doodh ka tilak lagayen.
• chandi ki ek thos goli apani jeb men rakhen.
• bhagawan ganesh ki pooja karen.
• manshahar aur sharab se bachen.
• budh mantr "om bran brin braun s: budhay nam:" ka jap karen.