ਮਕਰ ਰਾਸ਼ੀ ਦਾ ਅਗਲੇ ਮਹੀਨੇ ਦਾ ਰਾਸ਼ੀਫਲ - Capricorn Next-Monthly Horoscope in Punjabi

August, 2025

ਜਨਰਲ

ਮਕਰ ਰਾਸ਼ੀ ਦੇ ਜਾਤਕਾਂ ਦੇ ਲਈ ਅਗਸਤ 2025 ਦਾ ਮਹੀਨਾ ਥੋੜੇ ਜਿਹੇ ਕਮਜ਼ੋਰ ਨਤੀਜੇ ਲੈ ਕੇ ਆ ਸਕਦਾ ਹੈ। ਕਰੀਅਰ ਦੇ ਲਿਹਾਜ਼ ਤੋਂ ਦੇਖੀਏ ਤਾਂ ਇਸ ਮਹੀਨੇ ਕਾਰਜ ਖੇਤਰ ਦੇ ਮਾਮਲੇ ਵਿੱਚ ਕੁਝ ਹੱਦ ਤੱਕ ਸੰਤੋਸ਼ ਦੇਖਣ ਨੂੰ ਮਿਲ ਸਕਦਾ ਹੈ। ਮਹੀਨੇ ਦੇ ਪਹਿਲੇ ਹਿੱਸੇ ਵਿੱਚ ਨੌਕਰੀਪੇਸ਼ਾ ਜਾਤਕਾਂ ਨੂੰ ਕਾਰਜ ਖੇਤਰ ਵਿੱਚ ਕੁਝ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸਹਿਕਰਮੀਆਂ ਨਾਲ ਵੀ ਸਬੰਧ ਥੋੜੇ ਜਿਹੇ ਕਮਜ਼ੋਰ ਰਹਿ ਸਕਦੇ ਹਨ। ਖਾਸ ਤੌਰ ‘ਤੇ ਸੀਨੀਅਰ ਸਹਿਕਰਮੀ, ਜਿਨਾਂ ਵਿੱਚ ਔਰਤਾਂ ਦੀ ਸੰਖਿਆ ਜ਼ਿਆਦਾ ਹੋ ਸਕਦੀ ਹੈ, ਉਹਨਾਂ ਨਾਲ ਤੁਹਾਡੀ ਨਰਾਜ਼ਗੀ ਨਾ ਹੋਵੇ, ਇਸ ਗੱਲ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ। ਜੇਕਰ ਤੁਹਾਡੀ ਸੀਨੀਅਰ ਜਾਂ ਬੌਸ ਕੋਈ ਔਰਤ ਹੈ, ਤਾਂ ਉਸ ਦੇ ਆਦੇਸ਼ਾਂ ਅਤੇ ਨਿਰਦੇਸ਼ਾਂ ਦਾ ਪਾਲਣ ਕਰਨਾ ਜ਼ਰੂਰੀ ਹੋਵੇਗਾ। ਕਾਰੋਬਾਰੀ ਜਾਤਕਾਂ ਨੂੰ ਵੀ ਆਪਣੇ ਕਾਰੋਬਾਰ ਵੱਲ ਧਿਆਨ ਦੇਣ ਦੀ ਜ਼ਰੂਰਤ ਹੋਵੇਗੀ। ਖਾਸ ਤੌਰ ‘ਤੇ ਜੇਕਰ ਤੁਹਾਡੀ ਕਾਰੋਬਾਰੀ ਸਾਂਝੇਦਾਰ ਕੋਈ ਔਰਤ ਹੈ, ਤਾਂ ਉਸ ਦੇ ਨਾਲ ਤੁਹਾਡੇ ਸਬੰਧ ਵਿਗੜਨੇ ਨਹੀਂ ਚਾਹੀਦੇ, ਇਸ ਗੱਲ ਦਾ ਧਿਆਨ ਰੱਖਣਾ ਜ਼ਰੂਰੀ ਹੋਵੇਗਾ। ਪੜ੍ਹਾਈ ਦੇ ਲਿਹਾਜ਼ ਤੋਂ ਗੱਲ ਕਰੀਏ ਤਾਂ ਘਰ ਤੋਂ ਦੂਰ ਰਹਿ ਕੇ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀ ਇਸ ਮਹੀਨੇ ਚੰਗੇ ਨਤੀਜੇ ਪ੍ਰਾਪਤ ਕਰ ਸਕਦੇ ਹਨ। ਪਰ ਆਪਣੇ ਜਨਮ ਸਥਾਨ ਦੇ ਨੇੜੇ ਰਹਿ ਕੇ ਜਾਂ ਘਰ ਵਿੱਚ ਰਹਿ ਕੇ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀਆਂ ਦਾ ਧਿਆਨ ਭੰਗ ਹੋ ਸਕਦਾ ਹੈ। ਉਹਨਾਂ ਨੂੰ ਆਪਣੇ ਵਿਸ਼ਿਆਂ ਵਿੱਚ ਧਿਆਨ ਲਗਾਉਣ ਵਿੱਚ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪ੍ਰਾਰਥਮਿਕ ਵਿੱਦਿਆ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਦਾ ਮਨ ਖੇਡ-ਕੁੱਦ ਅਤੇ ਸਹਿਪਾਠੀਆਂ ਦੇ ਨਾਲ ਮੌਜ-ਮਸਤੀ ਕਰਨ ਵਿੱਚ ਜ਼ਿਆਦਾ ਲੱਗ ਸਕਦਾ ਹੈ। ਪਰਿਵਾਰਕ ਜੀਵਨ ਦੇ ਪੱਖ ਤੋਂ ਗੱਲ ਕਰੀਏ ਤਾਂ ਦੂਜੇ ਘਰ ਵਿੱਚ ਰਾਹੂ-ਕੇਤੂ ਦਾ ਪ੍ਰਭਾਵ ਆਪਸੀ ਗਲਤਫਹਿਮੀਆਂ ਦੇਣ ਦਾ ਕੰਮ ਕਰ ਸਕਦਾ ਹੈ। ਪਰ ਇਹ ਗਲਤਫਹਿਮੀਆਂ ਦੂਰ ਵੀ ਹੋਣਗੀਆਂ ਅਤੇ ਆਪਸੀ ਮਨਮੁਟਾਵ ਵੀ ਸ਼ਾਂਤ ਹੋ ਸਕਦੇ ਹਨ। ਛੋਟੀ-ਮੋਟੀ ਗਲਤਫਹਿਮੀ ਨੂੰ ਛੋਟੇ ਲੈਵਲ ‘ਤੇ ਹੀ ਸੁਲਝਾ ਲਿਆ ਜਾਵੇ, ਤਾਂ ਚੰਗਾ ਹੁੰਦਾ ਹੈ। ਕਦੇ-ਕਦਾਈਂ ਘਰੇਲੂ ਉਪਕਰਣ ਪਰੇਸ਼ਾਨੀਆਂ ਦੇਣ ਦਾ ਕੰਮ ਕਰ ਸਕਦੇ ਹਨ। ਪ੍ਰੇਮ ਅਤੇ ਸ਼ਾਦੀਸ਼ੁਦਾ ਜੀਵਨ ਬਾਰੇ ਗੱਲ ਕਰੀਏ ਤਾਂ ਬ੍ਰਹਸਪਤੀ ਦੀ ਸੰਗਤ ਵਿੱਚ ਹੋਣ ਦੇ ਕਾਰਨ ਸਮਝਦਾਰ ਲੋਕ ਆਪਣੇ ਪ੍ਰੇਮ ਜੀਵਨ ਨੂੰ ਮਧੁਰ ਬਣਾ ਕੇ ਰੱਖਣ ਵਿੱਚ ਸਫਲ ਰਹਿਣਗੇ। ਪਰ ਲਾਪਰਵਾਹੀ ਦੀ ਸਥਿਤੀ ਵਿੱਚ ਆਪਸੀ ਵਾਦ-ਵਿਵਾਦ ਜਾਂ ਲੜਾਈਆਂ ਦੇਖਣ ਨੂੰ ਮਿਲ ਸਕਦੀਆਂ ਹਨ। ਇੱਕ-ਦੂਜੇ ਉੱਤੇ ਸ਼ੱਕ ਕਰਨ ਦਾ ਸਿਲਸਿਲਾ ਵੀ ਦੇਖਣ ਨੂੰ ਮਿਲ ਸਕਦਾ ਹੈ। ਵਿਆਹ ਆਦਿ ਨਾਲ ਸਬੰਧਤ ਗੱਲਾਂ ਨੂੰ ਅੱਗੇ ਵਧਾਉਣ ਦੇ ਲਈ ਮਹੀਨਾ ਇਹ ਮਹੀਨਾ ਕੋਈ ਖਾਸ ਸਹਿਯੋਗ ਨਹੀਂ ਦੇਵੇਗਾ। ਦੰਪਤੀ ਸੁੱਖ ਦੇ ਮਾਮਲੇ ਵਿੱਚ ਵੀ ਇਸ ਮਹੀਨੇ ਥੋੜੀ ਜਿਹੀ ਕਮਜ਼ੋਰੀ ਹੀ ਦੇਖਣ ਨੂੰ ਮਿਲ ਸਕਦੀ ਹੈ। ਦੰਪਤੀ ਜੀਵਨ ਦੇ ਪ੍ਰਤੀ ਜਾਗਰੁਕ ਰਹਿਣਾ ਵੀ ਸਮਝਦਾਰੀ ਦਾ ਕੰਮ ਹੋਵੇਗਾ। ਆਰਥਿਕ ਜੀਵਨ ਬਾਰੇ ਗੱਲ ਕਰੀਏ ਤਾਂ ਇਸ ਮਹੀਨੇ ਥੋੜੀ ਜਿਹੀ ਮੁਸ਼ਕਿਲ ਤੋਂ ਬਾਅਦ ਤੁਸੀਂ ਮਿਹਨਤ ਦੇ ਅਨਰੂਪ ਲਾਭ ਪ੍ਰਾਪਤ ਕਰਨ ਵਿੱਚ ਸਫਲ ਰਹੋਗੇ। ਨੌਕਰੀਪੇਸ਼ਾ ਜਾਤਕਾਂ ਨੂੰ ਭਾਵੇਂ ਥੋੜੀ ਦੇਰ ਨਾਲ ਹੀ ਤਨਖਾਹ ਮਿਲੇ, ਪਰ ਪੂਰੀ ਤਨਖਾਹ ਮਿਲਣ ਦੀ ਸੰਭਾਵਨਾ ਹੈ। ਇਸੇ ਤਰ੍ਹਾਂ ਕਾਰੋਬਾਰੀ ਜਾਤਕਾਂ ਨੂੰ ਵੀ ਪੈਸਾ ਮਿਲਣ ਵਿੱਚ ਕੁਝ ਦੇਰੀ ਹੋ ਸਕਦੀ ਹੈ। ਮਕਰ ਰਾਸ਼ੀ ਵਾਲਿਆਂ ਦੀ ਸਿਹਤ ਬਾਰੇ ਗੱਲ ਕਰੀਏ ਤਾਂ ਇਸ ਮਹੀਨੇ ਸਿਹਤ ਸਬੰਧੀ ਕਿਸੇ ਵੱਡੀ ਸਮੱਸਿਆ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ। ਪਰ ਛੋਟੀ-ਮੋਟੀ ਸਮੱਸਿਆ ਵੀ ਹੋਵੇ ਤਾਂ ਉਸ ਨੂੰ ਨਜ਼ਰ ਅੰਦਾਜ਼ ਕਰਨਾ ਠੀਕ ਨਹੀਂ ਰਹੇਗਾ, ਕਿਉਂਕਿ ਕਈ ਵਾਰ ਛੋਟੀ ਜਿਹੀ ਲਾਪਰਵਾਹੀ ਵੀ ਲੰਬੇ ਸਮੇਂ ਤੱਕ ਚੱਲਣ ਵਾਲੀ ਸਮੱਸਿਆ ਨੂੰ ਜਨਮ ਦੇ ਸਕਦੀ ਹੈ। ਸੰਤੁਲਿਤ ਆਹਾਰ-ਵਿਹਾਰ ਅਤੇ ਸੰਤੁਲਿਤ ਰੁਟੀਨ ਦਾ ਪਾਲਣ ਕਰੋ।
ਉਪਾਅ -
ਕਿਸੇ ਧਾਰਮਿਕ ਸਥਾਨ ਜਾਂ ਮੰਦਰ ਵਿੱਚ ਜਾ ਕੇ ਚੌਲ਼ ਅਤੇ ਗੁੜ ਦਾਨ ਕਰੋ। ਛੋਟੀਆਂ ਕੰਨਿਆਂ ਦੇਵੀਆਂ ਦੀ ਪੂਜਾ ਕਰਕੇ ਉਹਨਾਂ ਦਾ ਅਸ਼ੀਰਵਾਦ ਲਓ।