ਕੁੰਭ ਰਾਸ਼ੀ ਦਾ ਅਗਲੇ ਮਹੀਨੇ ਦਾ ਰਾਸ਼ੀਫਲ - Aquarius Next-Monthly Horoscope in Punjabi

ਕੁੰਭ ਰਾਸ਼ੀ ਵਾਲਿਆਂ ਦੇ ਲਈ ਇਹ ਮਹੀਨਾ ਕਾਫੀ ਹੱਦ ਤੱਕ ਅਨੁਕੂਲ ਨਤੀਜੇ ਦੇ ਸਕਦਾ ਹੈ। ਕਰੀਅਰ ਦੇ ਪੱਖ ਤੋਂ ਗੱਲ ਕਰੀਏ ਤਾਂ ਕਾਰੋਬਾਰ ਨਾਲ ਜੁੜੇ ਹੋਏ ਜਾਤਕਾਂ ਨੂੰ ਆਪਣੇ ਕੰਮ ਨੂੰ ਵੀ ਨੌਕਰੀ ਦੀ ਤਰਾਂ ਕਰਨ ਦੀ ਜ਼ਰੂਰਤ ਹੋਵੇਗੀ, ਅਰਥਾਤ ਇਮਾਨਦਾਰੀ ਦੇ ਨਾਲ ਅਨੁਸ਼ਾਸਨ ਵਿੱਚ ਰਹੀ ਕੇ ਆਪਣੇ ਟੀਚੇ ਨੂੰ ਮਿਹਨਤ ਦੇ ਨਾਲ ਪੂਰਾ ਕਰਨਾ ਜ਼ਰੂਰੀ ਹੋਵੇਗਾ। ਜੇਕਰ ਤੁਸੀਂ ਇਸ ਤਰ੍ਹਾਂ ਕੰਮ ਕਰੋਗੇ, ਤਾਂ ਮੰਗਲ ਗ੍ਰਹਿ ਤੁਹਾਨੂੰ ਤੁਹਾਡੇ ਵਪਾਰ ਵਿੱਚ ਨੁਕਸਾਨ ਨਹੀਂ ਹੋਣ ਦੇਣਗੇ। ਜੇਕਰ ਤੁਸੀਂ ਆਪਣਾ ਕੰਮ ਦੂਜਿਆਂ ਦੇ ਭਰੋਸੇ ਛੱਡੋਗੇ, ਤਾਂ ਤੁਹਾਨੂੰ ਚੰਗੇ ਨਤੀਜੇ ਨਹੀਂ ਮਿਲਣਗੇ। ਨੌਕਰੀਪੇਸ਼ਾ ਜਾਤਕਾਂ ਦੇ ਲਈ ਇਹ ਮਹੀਨਾ ਅਨੁਕੂਲ ਰਹੇਗਾ। ਥੋੜੀ ਜਿਹੀ ਵਾਧੂ ਮਿਹਨਤ ਕਰਕੇ ਤੁਹਾਨੂੰ ਚੰਗੇ ਨਤੀਜੇ ਮਿਲ ਸਕਦੇ ਹਨ। ਪੜ੍ਹਾਈ ਦੇ ਪੱਖ ਤੋਂ ਗੱਲ ਕਰੀਏ ਤਾਂ ਕਲਾ, ਸਾਹਿਤ ਅਤੇ ਸਮਾਜ ਸ਼ਾਸਤਰ ਆਦਿ ਦੀ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀ ਚੰਗੇ ਨਤੀਜੇ ਪ੍ਰਾਪਤ ਕਰ ਸਕਣਗੇ। ਪ੍ਰਾਰਥਮਿਕ ਵਿੱਦਿਆ ਪ੍ਰਾਪਤ ਕਰਨ ਵਾਲੇ ਆਪਣੀ ਪੜ੍ਹਾਈ ਵਿੱਚ ਥੋੜੀ ਘੱਟ ਦਿਲਚਸਪੀ ਲੈ ਸਕਦੇ ਹਨ ਅਤੇ ਸਰਕਾਰੀ ਨੌਕਰੀ ਆਦਿ ਦੇ ਲਈ ਪ੍ਰੀਖਿਆ ਦੇਣ ਵਾਲੇ ਵਿਦਿਆਰਥੀਆਂ ਦੇ ਲਈ ਇਸ ਮਹੀਨੇ ਦਾ ਪਹਿਲਾ ਹਿੱਸਾ ਜ਼ਿਆਦਾ ਚੰਗੇ ਨਤੀਜੇ ਦੇ ਸਕਦਾ ਹੈ। ਪਰਿਵਾਰਕ ਜੀਵਨ ਬਾਰੇ ਗੱਲ ਕਰੀਏ ਤਾਂ ਇਹ ਮਹੀਨਾ ਪਰਿਵਾਰ ਦੇ ਮੈਂਬਰਾਂ ਵਿੱਚ ਕੁਝ ਮਾਮਲਿਆਂ ਵਿੱਚ ਗਲਤਫਹਿਮੀਆਂ ਦੇਣ ਦਾ ਕੰਮ ਕਰ ਸਕਦਾ ਹੈ। ਤੁਸੀਂ ਆਪਣੀ ਬੋਲਚਾਲ ਵਿੱਚ ਸਖਤੀ ਲਿਆਓਣ ਤੋਂ ਬਚੋ, ਤਾਂ ਕੋਈ ਸਮੱਸਿਆ ਆਵੇਗੀ ਹੀ ਨਹੀਂ। ਭਾਈ-ਬੰਧੂ ਅਤੇ ਮਿੱਤਰ ਸਮਾਜਿਕ ਕਾਰਜਾਂ ਵਿੱਚ ਵੀ ਤੁਹਾਡਾ ਸਾਥ ਦਿੰਦੇ ਹੋਏ ਦੇਖੇ ਜਾਣਗੇ। ਘਰੇਲੂ ਉਪਯੋਗ ਦੀਆਂ ਚੀਜ਼ਾਂ ਛੋਟੀ-ਮੋਟੀ ਪਰੇਸ਼ਾਨੀ ਦੇ ਸਕਦੀਆਂ ਹਨ। ਪਰ ਮੁਰੰਮਤ ਕਰਨ ਨਾਲ ਇਹ ਠੀਕ ਹੋ ਜਾਣਗੀਆਂ ਅਤੇ ਤੁਹਾਡਾ ਵੱਡਾ ਖਰਚਾ ਬਚ ਸਕੇਗਾ। ਪ੍ਰੇਮ ਜੀਵਨ ਬਾਰੇ ਗੱਲ ਕੀਤੀ ਜਾਵੇ ਤਾਂ ਬ੍ਰਹਸਪਤੀ ਦੀ ਪੰਜਵੇਂ ਘਰ ਵਿੱਚ ਮੌਜੂਦਗੀ ਪ੍ਰੇਮ ਜੀਵਨ ਵਿੱਚ ਕਾਫੀ ਅਨੁਕੂਲਤਾ ਦੇਣ ਦਾ ਸੰਕੇਤ ਕਰ ਰਹੀ ਹੈ। ਮਰਿਆਦਾ ਵਿੱਚ ਰਹਿ ਕੇ ਪ੍ਰੇਮ ਕਰਨ ਵਾਲੇ ਵਿਅਕਤੀਆਂ ਨੂੰ ਇਸ ਮਹੀਨੇ ਮਿਲਣ-ਮਿਲਾਉਣ ਦੇ ਮੌਕੇ ਵੀ ਮਿਲ ਸਕਣਗੇ, ਜਦੋਂ ਕਿ ਮਰਿਆਦਾ ਤੋਂ ਬਾਹਰ ਰਹਿ ਕੇ ਪ੍ਰੇਮ ਕਰਨ ਦੀ ਸਥਿਤੀ ਵਿੱਚ ਬਜ਼ੁਰਗਾਂ ਤੋਂ ਝਿੜਕਾਂ ਵੀ ਖਾਣੀਆਂ ਪੈ ਸਕਦੀਆਂ ਹਨ। ਵਿਆਹ ਨਾਲ ਸਬੰਧਤ ਗੱਲ ਨੂੰ ਅੱਗੇ ਵਧਾਉਣ ਲਈ ਮਹੀਨੇ ਦਾ ਦੂਜਾ ਹਿੱਸਾ ਕਾਫੀ ਅਨੁਕੂਲ ਕਿਹਾ ਜਾਵੇਗਾ। ਦੰਪਤੀ ਜੀਵਨ ਬਾਰੇ ਗੱਲ ਕਰੀਏ ਤਾਂ ਇਸ ਮਹੀਨੇ ਤੁਸੀਂ ਆਪਣੇ ਜੀਵਨ ਸਾਥੀ ਦੇ ਨਾਲ ਕਿਤੇ ਘੁੰਮਣ-ਫਿਰਨ ਵੀ ਜਾ ਸਕਦੇ ਹੋ ਅਤੇ ਮਨੋਰੰਜਨ ਕਰਨ ਦੇ ਵੀ ਚੰਗੇ ਮੌਕੇ ਮਿਲ ਸਕਦੇ ਹਨ। ਆਰਥਿਕ ਜੀਵਨ ਦੇ ਪੱਖ ਤੋਂ ਗੱਲ ਕਰੀਏ ਤਾਂ ਜਿੰਨੀ ਤੁਸੀਂ ਮਿਹਨਤ ਕਰੋਗੇ, ਉਸ ਤਰ੍ਹਾਂ ਦੇ ਹੀ ਨਤੀਜੇ ਤੁਹਾਨੂੰ ਮਿਲਦੇ ਰਹਿਣਗੇ। ਪਿਛਲੇ ਦਿਨਾਂ ਦੀ ਮਿਹਨਤ ਦੇ ਨਤੀਜੇ ਜੇਕਰ ਨਹੀਂ ਮਿਲ ਸਕੇ, ਤਾਂ ਉਹ ਹੁਣ ਤੁਹਾਨੂੰ ਮਿਲ ਜਾਣਗੇ। ਮਹੀਨੇ ਦੇ ਦੂਜੇ ਹਿੱਸੇ ਵਿੱਚ ਤੁਸੀਂ ਨਾ ਕੇਵਲ ਚੰਗੀ ਕਮਾਈ ਹੀ ਕਰ ਸਕੋਗੇ, ਬਲਕਿ ਚੰਗੀ ਬੱਚਤ ਵੀ ਕਰ ਸਕੋਗੇ ਅਤੇ ਬਚਾਏ ਗਏ ਪੈਸਿਆਂ ਦਾ ਚੰਗੀ ਜਗ੍ਹਾ ‘ਤੇ ਨਿਵੇਸ਼ ਵੀ ਕਰ ਸਕੋਗੇ। ਸਿਹਤ ਦੇ ਪੱਖ ਤੋਂ ਦੇਖੀਏ ਤਾਂ ਤੁਹਾਡਾ ਖਾਣਾ ਪੀਣਾ ਅਸੰਤੁਲਿਤ ਜਾਂ ਵਿਗੜਿਆ ਹੋਇਆ ਹੋ ਸਕਦਾ ਹੈ। ਇਸ ਕਾਰਨ ਤੁਹਾਨੂੰ ਪੇਟ ਜਾਂ ਮੂੰਹ ਨਾਲ ਸਬੰਧਤ ਕੁਝ ਪਰੇਸ਼ਾਨੀਆਂ ਦੇਖਣ ਨੂੰ ਮਿਲ ਸਕਦੀਆਂ ਹਨ। ਪਿੱਠ ਦਰਦ ਦੀ ਤਕਲੀਫ ਵੀ ਹੋ ਸਕਦੀ ਹੈ।
ਉਪਾਅ -
ਅਸਥਮਾ ਦੇ ਰੋਗੀਆਂ ਦੀ ਦਵਾਈ ਖਰੀਦਣ ਵਿੱਚ ਮੱਦਦ ਕਰੋ। ਨਿਯਮ ਨਾਲ ਮੰਦਿਰ ਜਾਓ ਅਤੇ ਆਪਣੇ ਦੇਵਤਾ ਦੀ ਪੂਜਾ ਕਰੋ।