रोहिणी नक्षत्राची भविष्यवाणी

तुमचा बांधा सडपातळ, लवचिक, आकर्षक असून तुमचे व्यक्तिमत्त्व लोभस असेल. तुमचे डोळे खूप सुंदर असतील आणि तुमचे हास्य दुसऱ्यावर मोहिनी घालणारे असेल. तुम्ही भावूक आणि निसर्गप्रेमी अाहात. तुम्ही अत्यंत विनम्र, सौम्य आणि सभ्य आहात. तुम्ही दुसऱ्याला समजून घेऊन त्याप्रमाणे त्याच्याशी वागता. तुमच्या समूहामध्ये तुम्ही लोकप्रिय आणि आकर्षणाचा केंद्रबिंदू असता. तुमचे कौशल्य आणि व्यक्तिमत्त्वाची छाप पाडून तुम्ही दुसऱ्याला सहज प्रभावित करता. त्यामुळे लोक तुमच्यावर सहज विश्वास ठेवतात. असे असले तरी तुम्ही साधे, सरळ आणि स्वभावाने सच्चे आहात. तुमच्या कुटुंबाची, घराची, समाजाची, देशाची किंवा संपूर्ण जगाची सेवा करून तुमच्या क्षमता दाखवणे तुम्हाला आवडते. तुम्ही खूप चांगल्या प्रकारे स्वत:ला व्यक्त करू शकता, त्यामुळे तुम्ही एक चांगले अभिनेते होऊ शकता. तुम्ही कलाप्रेमी आहात. तुम्हाला कलेची चांगली समज आहे आणि तुम्ही अत्यंत सृजनशील व्यक्ती आहात. इतरांचे कौशल्य वैधून घेण्याचे कौशल्य तुमच्याकडे आहे. कुटुंबव्यवस्था आणि समाजाने आखून दिलेल्या मूल्यांचा तुम्ही आदर करता. त्याचप्रमाणे तुम्ही तुमचे ध्येय साध्य करण्यासाठी कटिबद्ध आणि समर्पित आहात. तुम्हाला तुमच्या जवळच्या मित्रांसोबत नेहमी आनंद आणि समाधान मिळते. तुम्हाला पारंपरिक समजले जात असेल पण तुम्ही जुन्या विचारांना अनुसरत नाही कारण तुम्ही नव्या विचारांचा स्वीकार आणि बदलांचा स्वीकार करता. आरोग्याबाबत तुम्ही नेहमी सतर्क आणि जागृत असता. त्यामुळेच तुम्हाला विकार होत नाहीत आणि तुम्ही दीर्घायुषी होता. बहुधा तुम्ही भावनेच्या आहारी जाऊन निर्णय घेता आणि लोकांवर सहज विश्वास ठेवता, ज्यामुळे कधी कधी तुमची फसवणूक होण्याचीही शक्यता आहे. असे झाले तरीही तुम्ही नेहमी प्रामाणिकच राहता. तुम्ही वर्तमानता जगता आणि भविष्याची चिंता तुम्ही करत नाही. तुमचे आयुष्य चढ-उतारांनी भरलेले आहे. तुम्ही सगळी कामे मन लावून पूर्ण करता. जर तुम्ही सर्व काही संयमाने पूर्ण केलेत तर तुम्हाला एकमेवाद्वितीय असे यश मिळू शकेल. तुम्हाला तरुणपणी थोडे कष्ट करावे लागतील, पण वयाच्या ३८ व्या वर्षानंतर तुम्ही स्थिरस्थावर व्हाल.

शिक्षण आणि उत्पन्न

शेती, बागकाम किंवा अन्न उगविण्याच्या व्यवसायातून तुम्ही अर्थार्जन करू शकाल. त्याचप्रमाणे अन्नपक्रिया, पदार्थांमध्ये बदल करणे आणि त्यांना बाजारापर्यंत पोहोचविणे या व्यवसायातूनही तुम्हाला लाभ होऊ शकेल. त्याचप्रमाणे वनस्पतिशास्त्र, संगीत, कला, सौंदर्यप्रसाधने, फॅशन डिझायनिंग, ब्युटी पार्लर, ज्वेलरी, भरझरी कपडे, पर्यटन, दळणवळण, कार क्षेत्र, बँक, वित्त संस्था, तेल आणि पेट्रोलजन्य पदार्थांचे उत्पादन, कापड उद्योग, जल पुरवठा सेवा, पदार्थ विक्री, हॉटेल, उसाचा व्यवसाय, रासायनिक अभियांत्रिकी, थंड पाणी किंवा मिनरल वॉटरशी निगडीत कामांमधून तुम्ही तुमची उपजीविका कमवू शकता.

कौटुंबिक आयुष्य

तुमचा जोडीदार सुंदर, आकर्षक आणि बुद्धिमान असेल. त्याचप्रमाणे त्याला/तिला तुमच्याकडून खूप अपेक्षा असतील. तुमचा जोडीदारही तुमच्याप्रमाणे भावनाप्रधान आणि सर्वांमध्ये मिसळणारा असेल. तुमचा त्यांच्याशी चांगला समन्वय असेल. तुमचे व्यक्तिमत्त्व मोहक असेल आणि वागणे सौम्य असेल. तुम्ही सर्वांशी चांगुलपणाने वागाल. त्यामुळे तुमच्याकडून प्रेरणा घेणे योग्यच ठरते. तुम्ही तुमच्या कुटुंबाची चांगली काळजी घ्याल आणि घरचे काम सक्षमतेने पूर्ण कराल. त्यामुळे तुमचे वैवाहिक आयुष्य आनंदी असेल.