उत्तराभाद्रपदा नक्षत्राची भविष्यवाणी

तुमचे व्यक्तिमत्त्व आकर्षक आणि दिलखेचक आहे. तसेच चेहरा हसरा असतो. जर तुम्ही एखाद्याकडे सुहास्यवदनाने पाहिलेत तर ती व्यक्ती घायाळ होईल. तुमी माहितगार, हुशार आणि व्यवहार्य आहात. तुमचे वागणे कोणासाठीही बदलत नाही. तुम्ही सर्वांशी सारखे वागता. तुम्हाला कोणालाही त्रास द्यायला आवड्त नाही तसेच तुम्ही कोणाला त्रासात पाहू शकत नाही. तुम्ही राग नेहमी आवरला पाहिजे, पण तुमचा राग क्षणिक असतो. तुम्ही मनाने मृदू आणि स्वच्छ आहात. तुम्ही जिवलगांसाठी प्राणही पणाला लावता. तुमचा आवाज गोड आहे आणि व्याख्यान उत्तम देता. तुम्ही शत्रूला जिंकता. तुमचे आणखीन एक वैशिष्ट्य म्हणजे तुम्ही एकावेळी अनेक गोष्टीत निपुण असता. तुम्हाला खूप शिक्षण मिळाले नाही तरी तुमची माहिती शिकलेल्याच्या बरोबरीची असते.तुम्हाला फाईन आर्ट्सची आवड असते आणि विविध पुस्तके, राईटप्स लिहीता येऊ शकतात. तुमच्या असाधारन क्षमता आणि कार्यक्षमता यामुळे सर्व क्षेत्रात तुम्हाला ओळख मिळते. आळशीपणाला तुमच्या आयुष्यात काहीही महत्व नसते. तुम्ही काही करायचे ठरवले की ते तुम्ही करता.कोणत्याही अपयशामुळे तुम्ही खचून जात नाही. वास्तवावर आणि जीवनातल्या सत्यावर विश्वास ठेवणे यामुळे तुम्हाला हवेत इमले बांधायला आवडत नाहीत. तुमचा स्वभाव खंबीर असतो आणि लालसेचे विषय तुम्हाला आकर्षित करू शकत नाहीत. तुम्ही शब्दाचे पक्के असता आणि बोलल्याप्रमाणे करता. तुम्ही दयार्द्र असता आणि एखाद्या दुर्बलाला मदत करण्याचा प्रयत्न करता. तुमचा धर्मावर गाढ विश्वास असतो आणि धार्मिक कार्याशीही जोडलेले असता. नोकरी किंवा व्यवसाय तुम्ही दोन्हीमध्ये यशस्वी व्हाल. तुमच्या यशाचे कारण तुमचा कष्टाळू स्वभाव हे आहे. तुमच्या कष्टांनी तुम्ही यशाला गवसणी घालता. विज्ञान, तत्वज्ञान आणि गूढ विषयांमध्ये तुम्हाला खूप रस असतो. समाजात तुम्हाला विद्वान म्ह्टले जाते. सामाजिक संस्थांशी संबंध असूनही तुम्हाला एकटे राहायला आवडते. तुमचा उद्देश त्यागाचा असतो आणि दानधर्मावर तुमचा विश्वास असतो. तुमच्या व्यक्तिमत्त्वामुळे तुम्हाला खूप मानसन्मान मिळतो. तुमचे प्रौढवय हे आनंद आणि समाधान यांनी ओतप्रोत असते.

शिक्षण आणि उत्पन्न

तुमचे शिक्षण चांगले असेल आणि तुम्हाला अनेक विषयांचे ज्ञान असेल. तुमच्यासाठी योग्य क्षेत्रं ध्यान आणि योग तज्ञ, निदान आणि वैद्यकीय तज्ञ, समुपदेशक, अध्यात्मिक गुरू, एसेटीक, योगी, दिव्यव्यक्ती, सेवाभावी संस्थांशी संबंधित कामे, संशोधक, तत्वज्ञानी, कवी, लेखक, संगीतकार, कलाकार, दुकानदार, सरकारी नोकर, इतिहासकार, सुरक्षा रक्षक इ.

कौटुंबिक आयुष्य

तुम्ही तुमच्या जन्मठिकाणापासून लांब राहाल. तुमच्या वडीलांकडून तुम्हाला खूप लाभ मिळणार नाही आणि लहानपणापासून दुर्लक्षित असण्याची भावना असेल. वैवाहिक आयुष्य खूप आनंदी असेल. जीवनसाथी सक्षम असेल आणि मुलं खरी संपत्ती असतील. लग्नानंतर भाग्योदय होईल. मुले आज्ञाधारक, हुशार आणि मोठ्यांचा आदर करणारी असतील.