ਐਸਟ੍ਰੋਸੇਜ ਦੇ ਇਸ ਖ਼ਾਸ ਲੇਖ ਵਿੱਚ ਅੱਜ ਅਸੀਂ ਤੁਹਾਨੂੰ ਸ਼ਨੀ ਜਯੰਤੀ 2024 ਬਾਰੇ ਸਾਰੀ ਜਾਣਕਾਰੀ ਦੇਵਾਂਗੇ। ਹਿੰਦੂ ਧਰਮ ਵਿੱਚ ਸ਼ਨੀ ਜਯੰਤੀ ਦੇ ਤਿਓਹਾਰ ਦਾ ਖਾਸ ਮਹੱਤਵ ਮੰਨਿਆ ਜਾਂਦਾ ਹੈ। ਇਸ ਦਿਨ ਸ਼ਨੀ ਦੇਵ ਦੀ ਵਿਧੀ-ਵਿਧਾਨ ਨਾਲ ਪੂਜਾ ਕੀਤੀ ਜਾਂਦੀ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਸ਼ਨੀ ਜਯੰਤੀ ਸਾਲ ਵਿੱਚ ਦੋ ਵਾਰ ਮਨਾਈ ਜਾਂਦੀ ਹੈ, ਇੱਕ ਵਿਸਾਖ ਦੇ ਮਹੀਨੇ ਵਿੱਚ ਅਤੇ ਇੱਕ ਜੇਠ ਦੇ ਮਹੀਨੇ ਵਿੱਚ। ਆਪਣੇ ਇਸ ਖਾਸ ਲੇਖ ਵਿੱਚ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਇਸ ਸਾਲ ਸ਼ਨੀ ਜਯੰਤੀ ਕਿਸ ਦਿਨ ਮਨਾਈ ਜਾ ਰਹੀ ਹੈ, ਇਸ ਦਿਨ ਕਿਹੜੇ ਕੰਮ ਭੁੱਲ ਕੇ ਵੀ ਨਹੀਂ ਕਰਨੇ ਚਾਹੀਦੇ ਅਤੇ ਰਾਸ਼ੀਆਂ ਅਨੁਸਾਰ ਕਿਹੜੇ ਉਪਾਅ ਕਰਕੇ ਤੁਸੀਂ ਸ਼ਨੀ ਦੇਵ ਨੂੰ ਖੁਸ਼ ਕਰ ਸਕਦੇ ਹੋ। ਨਾਲ਼ ਹੀ ਅਸੀਂ ਤੁਹਾਨੂੰ ਸ਼ਨੀ ਜਯੰਤੀ ਨਾਲ ਜੁੜੀਆਂ ਹੋਈਆਂ ਕੁਝ ਬਹੁਤ ਹੀ ਦਿਲਚਸਪ ਅਤੇ ਰੋਚਕ ਗੱਲਾਂ ਦੀ ਜਾਣਕਾਰੀ ਦੇਵਾਂਗੇ।
ਜਿਵੇਂ ਕਿ ਅਸੀਂ ਪਹਿਲਾਂ ਵੀ ਦੱਸਿਆ ਹੈ ਕਿ ਸ਼ਨੀ ਜਯੰਤੀ ਸਾਲ ਵਿੱਚ ਦੋ ਵਾਰ ਮਨਾਈ ਜਾਂਦੀ ਹੈ। ਕੁਝ ਸਥਾਨਾਂ ਉੱਤੇ ਸ਼ਨੀ ਜਯੰਤੀ ਵਿਸਾਖ ਦੀ ਮੱਸਿਆ ਦੇ ਦਿਨ ਮਨਾਈ ਜਾਂਦੀ ਹੈ ਅਤੇ ਕੁਝ ਸਥਾਨਾਂ ਉੱਤੇ ਇਹ ਜੇਠ ਦੀ ਮੱਸਿਆ ਨੂੰ ਮਨਾਈ ਜਾਂਦੀ ਹੈ। ਇਸ ਸਾਲ ਵਿਸਾਖ ਮਹੀਨੇ ਦੀ ਮੱਸਿਆ 8 ਮਈ ਨੂੰ ਹੈ ਅਤੇ ਜੇਠ ਮਹੀਨੇ ਦੀ ਮੱਸਿਆ 6 ਜੂਨ ਨੂੰ ਹੈ। ਅਜਿਹੇ ਵਿੱਚ ਇਹਨਾਂ ਦੋਵਾਂ ਹੀ ਦਿਨਾਂ ਨੂੰ ਅਲੱਗ-ਅਲੱਗ ਸਥਾਨਾਂ ਉੱਤੇ ਸ਼ਨੀ ਜਯੰਤੀ ਮਨਾਈ ਜਾਵੇਗੀ।
ਭਵਿੱਖ ਨਾਲ਼ ਜੁੜੀ ਕਿਸੇ ਵੀ ਸਮੱਸਿਆ ਦੇ ਹੱਲ ਦੇ ਲਈ ਵਿਦਵਾਨ ਜੋਤਸ਼ੀਆਂ ਨਾਲ਼ ਫ਼ੋਨ ‘ਤੇ ਗੱਲ ਕਰੋ
ਸ਼ਾਸਤਰਾਂ ਦੇ ਅਨੁਸਾਰ ਸ਼ਨੀ ਜਯੰਤੀ ਦੇ ਤਿਓਹਾਰ ਦਾ ਖਾਸ ਮਹੱਤਵ ਮੰਨਿਆ ਗਿਆ ਹੈ। ਇਸ ਦਿਨ ਸੂਰਜ ਪੁੱਤਰ ਸ਼ਨੀ ਦੇਵ ਦੀ ਜਯੰਤੀ ਮਨਾਈ ਜਾਂਦੀ ਹੈ। ਜੋਤਿਸ਼ ਸ਼ਾਸਤਰ ਵਿੱਚ ਸ਼ਨੀ ਦੇਵ ਨੂੰ ਨਿਆਂ ਦਾ ਦੇਵਤਾ ਕਿਹਾ ਜਾਂਦਾ ਹੈ, ਅਰਥਾਤ ਇਹ ਵਿਅਕਤੀ ਨੂੰ ਉਸ ਦੇ ਕਰਮਾਂ ਦੇ ਅਨੁਸਾਰ ਹੀ ਫਲ਼ ਦਿੰਦੇ ਹਨ। ਜਿਨਾਂ ਲੋਕਾਂ ਦੇ ਕਰਮ ਚੰਗੇ ਹੁੰਦੇ ਹਨ, ਉਹਨਾਂ ਨੂੰ ਸ਼ਨੀ ਦੇਵ ਤੋਂ ਡਰਨ ਦੀ ਬਿਲਕੁਲ ਵੀ ਜ਼ਰੂਰਤ ਨਹੀਂ ਹੁੰਦੀ, ਬਲਕਿ ਸ਼ਨੀ ਦੇਵ ਉਹਨਾਂ ਦੀ ਮਿਹਨਤ ਵਿੱਚ ਚਾਰ ਚੰਨ ਲਗਾ ਕੇ ਉਹਨਾਂ ਨੂੰ ਰੰਕ ਤੋਂ ਰਾਜਾ ਬਣਾ ਦਿੰਦੇ ਹਨ। ਪਰ ਇਸ ਦੇ ਉਲਟ ਜਿਨਾਂ ਲੋਕਾਂ ਦੇ ਕਰਮ ਚੰਗੇ ਨਹੀਂ ਹੁੰਦੇ, ਉਹਨਾਂ ਨੂੰ ਸ਼ਨੀ ਤੋਂ ਹਰ ਮਾਇਨੇ ਵਿੱਚ ਡਰਨਾ ਚਾਹੀਦਾ ਹੈ ਅਤੇ ਅਜਿਹੇ ਲੋਕਾਂ ‘ਤੇ ਸ਼ਨੀ ਦਾ ਪ੍ਰਕੋਪ ਨਿਸ਼ਚਿਤ ਤੌਰ ‘ਤੇ ਦੇਖਣ ਨੂੰ ਮਿਲਦਾ ਹੈ।
ਤੁਹਾਡੀ ਕੁੰਡਲੀ ਵਿੱਚ ਸ਼ਨੀ ਦੀ ਸਥਿਤੀ ਕਿਹੋ-ਜਿਹੀ ਹੈ? ਸ਼ਨੀ ਰਿਪੋਰਟ ਤੋਂ ਜਾਣੋ ਜਵਾਬ
ਹੁਣ ਅੱਗੇ ਵਧਦੇ ਹਾਂ ਅਤੇ ਜਾਣ ਲੈਂਦੇ ਹਾਂ ਕਿ ‘ਸ਼ਨੀ ਜਯੰਤੀ 2024’ ਦੇ ਅਨੁਸਾਰ, ਸ਼ਨੀ ਦੇ ਬੁਰੇ ਪ੍ਰਭਾਵ ਨੂੰ ਘੱਟ ਕਰਨ ਦੇ ਲਈ ਕਿਹੜੀ ਵਿਧੀ ਨਾਲ ਸ਼ਨੀ ਜਯੰਤੀ ਨੂੰ ਸ਼ਨੀ ਦੇਵ ਦੀ ਪੂਜਾ ਕਰਨੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਬਹੁਤ ਸਾਰੇ ਲੋਕ ਸ਼ਨੀ ਜਯੰਤੀ ਦੇ ਦਿਨ ਸ਼ਨੀ ਦੇਵ ਦੇ ਲਈ ਵਰਤ ਵੀ ਰੱਖਦੇ ਹਨ। ਜੇਕਰ ਕਿਸੇ ਵਿਅਕਤੀ ਦੀ ਕੁੰਡਲੀ ਵਿੱਚ ਸ਼ਨੀ ਦੋਸ਼ ਹੁੰਦਾ ਹੈ ਜਾਂ ਫੇਰ ਸ਼ਨੀ ਦੀ ਸਥਿਤੀ ਕਮਜ਼ੋਰ ਹੁੰਦੀ ਹੈ, ਤਾਂ ਖਾਸ ਤੌਰ ‘ਤੇ ਅਜਿਹੇ ਲੋਕਾਂ ਨੂੰ ਸ਼ਨੀ ਜਯੰਤੀ ਦੇ ਦਿਨ ਵਰਤ ਰੱਖਣ, ਭਗਵਾਨ ਸ਼ਨੀ ਦੇ ਮੰਦਰ ਜਾ ਕੇ ਉੱਥੇ ਸਰ੍ਹੋਂ ਦਾ ਤੇਲ, ਕਾਲ਼ੇ ਤਿਲ, ਨੀਲੇ ਫੁੱਲ, ਸ਼ਮੀ ਦੇ ਪੱਤੇ ਚੜ੍ਹਾਓਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਸ ਨਾਲ ਉਹਨਾਂ ਨੂੰ ਨਿਸ਼ਚਿਤ ਰੂਪ ਤੋਂ ਸ਼ਨੀ ਦੇ ਪ੍ਰਕੋਪ ਤੋਂ ਬਚਣ ਵਿੱਚ ਮਦੱਦ ਮਿਲਦੀ ਹੈ।
ਸਨਾਤਨ ਧਰਮ ਵਿੱਚ ਸ਼ਨੀ ਜਯੰਤੀ ਦੇ ਤਿਓਹਾਰ ਨੂੰ ਖਾਸ ਮਹੱਤਵਪੂਰਣ ਮੰਨਿਆ ਜਾਂਦਾ ਹੈ। ਇਸ ਦਿਨ ਸ਼ਨੀ ਦੇਵ ਦੀ ਪੂਜਾ ਕਰਨ ਨਾਲ ਸ਼ਨੀ ਦੀ ਸਾੜ੍ਹਸਤੀ ਅਤੇ ਸ਼ਨੀ ਦੀ ਢਈਆ ਦੇ ਬੁਰੇ ਪ੍ਰਭਾਵ ਤੋਂ ਵਿਅਕਤੀ ਨੂੰ ਛੁਟਕਾਰਾ ਮਿਲਦਾ ਹੈ। ਇਸ ਦੇ ਨਾਲ ਹੀ ਸ਼ਨੀ ਦੇਵ ਦੀ ਪੂਜਾ ਕਰਨ ਨਾਲ ਵਿਅਕਤੀ ਨੂੰ ਕਾਰੋਬਾਰ ਅਤੇ ਨੌਕਰੀ ਵਿੱਚ ਤਰੱਕੀ ਅਤੇ ਸਫਲਤਾ ਵੀ ਪ੍ਰਾਪਤ ਹੁੰਦੀ ਹੈ।
ਸਭ ਤੋਂ ਪਹਿਲਾਂ ਗੱਲ ਕਰੀਏ ਸ਼ੁਭ ਮਹੂਰਤ ਦੀ ਤਾਂ ਇਸ ਸਾਲ ਵਿਸਾਖ ਦੀ ਮੱਸਿਆ 7 ਮਈ 2024 ਨੂੰ ਸਵੇਰੇ 11:40 ਵਜੇ ਤੋਂ ਸ਼ੁਰੂ ਹੋ ਜਾਵੇਗੀ ਅਤੇ ਇਹ 8 ਮਈ ਨੂੰ ਸਵੇਰੇ 8:40 ਉੱਤੇ ਖਤਮ ਹੋਵੇਗੀ। ਇਹੀ ਕਾਰਨ ਹੈ ਕਿ ਸ਼ਨੀ ਜਯੰਤੀ 8 ਮਈ ਨੂੰ ਮਨਾਈ ਜਾ ਰਹੀ ਹੈ। ਸ਼ਨੀ ਪੂਜਾ ਕਰਨ ਦੇ ਲਈ ਸਮੇਂ ਬਾਰੇ ਗੱਲ ਕਰੀਏ ਤਾਂ ਇਹ ਸ਼ਾਮ ਦੇ 5 ਵਜੇ ਤੋਂ 7 ਵਜੇ ਤੱਕ ਰਹੇਗਾ।
ਜੇਠ ਮਹੀਨੇ ਦੀ ਸ਼ਨੀ ਜਯੰਤੀ ਅਰਥਾਤ 6 ਜੂਨ ਦੀ ਸ਼ਨੀ ਜਯੰਤੀ ਬਾਰੇ ਗੱਲ ਕਰੀਏ ਤਾਂ ਇਸ ਦਾ ਮਹੂਰਤ ਅਲੱਗ ਹੋਵੇਗਾ। ਜੂਨ ਮਹੀਨੇ ਦੀ ਮੱਸਿਆ 5 ਜੂਨ 2024 ਨੂੰ 07:54 ਵਜੇ ਸ਼ੁਰੂ ਹੋ ਜਾਵੇਗੀ ਅਤੇ 6 ਜੂਨ ਨੂੰ 06:07 ਵਜੇ ਖਤਮ ਹੋਵੇਗੀ।
ਹੁਣ ਘਰ ਵਿੱਚ ਬੈਠ ਕੇ ਹੀ ਮਾਹਰ ਪੁਰੋਹਿਤ ਤੋਂ ਇੱਛਾ ਅਨੁਸਾਰ ਆਨਲਾਈਨ ਪੂਜਾ ਕਰਵਾਓ ਅਤੇ ਉੱਤਮ ਨਤੀਜੇ ਪ੍ਰਾਪਤ ਕਰੋ!
ਸੂਰਜ ਦੇਵ ਦਾ ਵਿਆਹ ਰਾਜਾ ਦਕਸ਼ ਦੀ ਪੁੱਤਰੀ ਸੰਗਿਆ ਦੇ ਨਾਲ ਹੋਇਆ ਸੀ। ਸੂਰਜ ਦੇਵ ਦੀਆਂ ਤਿੰਨ ਸੰਤਾਨਾਂ ਹਨ: ਮਨੂ, ਯਮਰਾਜ ਅਤੇ ਯਮੁਨਾ। ਪੁਰਾਣਕ ਕਥਾਵਾਂ ਦੇ ਅਨੁਸਾਰ ਕਿਹਾ ਜਾਂਦਾ ਹੈ ਕਿ ਇੱਕ ਵਾਰ ਸੰਗਿਆ ਨੇ ਆਪਣੇ ਪਿਤਾ ਦਕਸ਼ ਨਾਲ਼ ਸੂਰਜ ਦੇ ਤੇਜ ਤੋਂ ਹੋਣ ਵਾਲੀ ਦਿੱਕਤ ਬਾਰੇ ਜ਼ਿਕਰ ਕੀਤਾ ਤਾਂ ਰਾਜਾ ਦਕਸ਼ ਨੇ ਆਪਣੀ ਧੀ ਦੀ ਗੱਲ ਵੱਲ ਧਿਆਨ ਨਹੀਂ ਦਿੱਤਾ। ਉਹਨਾਂ ਨੇ ਕਿਹਾ ਕਿ ਤੂੰ ਹੁਣ ਸੂਰਜ ਦੀ ਪਤਨੀ ਹੈ। ‘ਸ਼ਨੀ ਜਯੰਤੀ 2024’ ਦੇ ਅਨੁਸਾਰ, ਪਿਤਾ ਦੇ ਅਜਿਹਾ ਕਹਿਣ ‘ਤੇ ਸੰਗਿਆ ਨੇ ਆਪਣੇ ਤਪੋਬਲ ਨਾਲ ਆਪਣੀ ਛਾਇਆ ਨੂੰ ਪ੍ਰਗਟ ਕੀਤਾ ਅਤੇ ਉਸ ਦਾ ਨਾਮ ਸਵਰਣਾ ਰੱਖਿਆ।
ਅੱਗੇ ਚੱਲ ਕੇ ਸੂਰਜ ਦੇਵ ਦੀ ਪਤਨੀ ਸੰਗਿਆ ਦੀ ਛਾਇਆ ਦੇ ਗਰਭ ਤੋਂ ਸ਼ਨੀ ਦੇਵ ਦਾ ਜਨਮ ਹੋਇਆ। ਸ਼ਨੀ ਦੇਵ ਦਾ ਰੰਗ ਬਹੁਤ ਸਾਂਵਲਾ ਸੀ। ਜਦੋਂ ਸੂਰਜ ਦੇਵ ਨੂੰ ਇਸ ਗੱਲ ਦਾ ਪਤਾ ਚੱਲਿਆ ਕਿ ਸਵਰਣਾ ਉਹਨਾਂ ਦੀ ਪਤਨੀ ਨਹੀਂ ਹੈ, ਤਾਂ ਸੂਰਜ ਦੇਵ ਨੇ ਸ਼ਨੀ ਦੇਵ ਨੂੰ ਆਪਣਾ ਪੁੱਤਰ ਮੰਨਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਨਾਲ ਸ਼ਨੀ ਦੇਵ ਕ੍ਰੋਧਿਤ ਹੋ ਗਏ ਅਤੇ ਉਹਨਾਂ ਦੀ ਦ੍ਰਿਸ਼ਟੀ ਸੂਰਜ ਦੇਵ ਉੱਤੇ ਪਈ, ਜਿਸ ਕਾਰਨ ਸੂਰਜ ਦੇਵ ਕਾਲ਼ੇ ਹੋ ਗਏ ਅਤੇ ਪੂਰੇ ਹੀ ਸੰਸਾਰ ਵਿੱਚ ਹਨੇਰਾ ਛਾਣ ਲੱਗਾ। ਪਰੇਸ਼ਾਨ ਹੋ ਕੇ ਸੂਰਜ ਦੇਵਤਾ ਭਗਵਾਨ ਸ਼ਿਵ ਕੋਲ ਗਏ, ਤਾਂ ਭਗਵਾਨ ਸ਼ਿਵ ਨੇ ਉਹਨਾਂ ਨੂੰ ਛਾਇਆ ਤੋਂ ਮਾਫੀ ਮੰਗਣ ਲਈ ਕਿਹਾ। ਸੂਰਜ ਦੇਵ ਨੇ ਛਾਇਆ ਤੋਂ ਮਾਫੀ ਮੰਗੀ ਅਤੇ ਫੇਰ ਕਿਤੇ ਜਾ ਕੇ ਸ਼ਨੀ ਦੇ ਗੁੱਸੇ ਤੋਂ ਮੁਕਤ ਹੋਏ।
ਪੂਜਾ ਵਿਧੀ ਬਾਰੇ ਗੱਲ ਕਰੀਏ ਤਾਂ,
ਬ੍ਰਿਹਤ ਕੁੰਡਲੀ ਵਿੱਚ ਛੁਪਿਆ ਹੋਇਆ ਹੈ ਤੁਹਾਡੇ ਜੀਵਨ ਦਾ ਸਾਰਾ ਰਾਜ਼, ਜਾਣੋ ਗ੍ਰਹਾਂ ਦੀ ਚਾਲ ਦਾ ਪੂਰਾ ਲੇਖਾ-ਜੋਖਾ
ਸ਼ਨੀ ਜਯੰਤੀ ਦਾ ਤਿਓਹਾਰ ਬਹੁਤ ਹੀ ਖਾਸ ਮਹੱਤਵ ਰੱਖਦਾ ਹੈ। ਸ਼ਨੀ ਦੇਵ ਨੂੰ ਭਗਵਾਨ ਸ਼ਿਵ ਦਾ ਪੱਕਾ ਭਗਤ ਕਿਹਾ ਜਾਂਦਾ ਹੈ। ਉਹਨਾਂ ਨੂੰ ਸੇਵਾ ਅਤੇ ਵਪਾਰ ਵਰਗੇ ਕੰਮਾਂ ਦਾ ਸੁਆਮੀ ਵੀ ਮੰਨਿਆ ਜਾਂਦਾ ਹੈ। ਕਹਿੰਦੇ ਹਨ ਕਿ ਜਿੱਥੇ ਵੀ ਸ਼ਨੀ ਦੇਵ ਸਿੱਧੀ ਦ੍ਰਿਸ਼ਟੀ ਪਾਉਂਦੇ ਹਨ, ਉੱਥੇ ਉੱਥਲ਼-ਪੁੱਥਲ਼ ਮੱਚ ਜਾਂਦੀ ਹੈ। ਕਹਿੰਦੇ ਹਨ ਕਿ ਇੱਕ ਵਾਰ ਜਦੋਂ ਰਾਵਣ ਨੇ ਭਗਵਾਨ ਸ਼ਨੀ ਨੂੰ ਕੈਦ ਕਰ ਲਿਆ ਸੀ, ਤਾਂ ਹਨੂੰਮਾਨ ਜੀ ਨੇ ਉਹਨਾਂ ਨੂੰ ਛੁਡਵਾਇਆ ਸੀ, ਤਾਂ ਸ਼ਨੀ ਦੇਵ ਨੇ ਖੁਸ਼ ਹੋ ਕੇ ਕਿਹਾ ਸੀ ਕਿ ਜਿਹੜਾ ਵੀ ਵਿਅਕਤੀ ਬਜਰੰਗ ਬਲੀ ਦੀ ਪੂਜਾ ਪੂਰੀ ਸ਼ਰਧਾ ਨਾਲ ਕਰੇਗਾ, ਉਸ ਉੱਤੇ ਕਦੇ ਵੀ ਸ਼ਨੀ-ਦੋਸ਼ ਨਹੀਂ ਆਵੇਗਾ। ਨਾਲ ਹੀ ਅਜਿਹੇ ਜਾਤਕਾਂ ਉੱਤੇ ਸ਼ਨੀ ਦੇਵ ਦਾ ਅਸ਼ੀਰਵਾਦ ਵੀ ਹਮੇਸ਼ਾ ਬਣਿਆ ਰਹੇਗਾ।
ਕਰੀਅਰ ਦੀ ਹੋ ਰਹੀ ਹੈ ਟੈਂਸ਼ਨ! ਹੁਣੇ ਆਰਡਰ ਕਰੋ ਕਾਗਨੀਐਸਟ੍ਰੋ ਰਿਪੋਰਟ
ਮੇਖ਼ ਰਾਸ਼ੀ: ਮੇਖ਼ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਸਰ੍ਹੋਂ ਦਾ ਤੇਲ ਜਾਂ ਫੇਰ ਕਾਲ਼ੇ ਤਿਲ ਦਾਨ ਕਰਨ।
ਬ੍ਰਿਸ਼ਭ ਰਾਸ਼ੀ: ਸ਼ਨੀ ਜਯੰਤੀ ਦੇ ਦਿਨ ਬ੍ਰਿਸ਼ਭ ਰਾਸ਼ੀ ਦੇ ਜਾਤਕ ਗਰੀਬ ਅਤੇ ਜ਼ਰੂਰਤਮੰਦ ਲੋਕਾਂ ਨੂੰ ਕਾਲ਼ੇ ਕੰਬਲ ਦਾਨ ਕਰਨ।
ਮਿਥੁਨ ਰਾਸ਼ੀ: ‘ਸ਼ਨੀ ਜਯੰਤੀ 2024’ ਦੇ ਅਨੁਸਾਰ, ਸ਼ਨੀ ਜਯੰਤੀ ਦੇ ਦਿਨ ਵੱਡੇ ਬਜ਼ੁਰਗਾਂ ਨੂੰ ਪ੍ਰਣਾਮ ਕਰੋ ਅਤੇ ਉਹਨਾਂ ਨੂੰ ਕੁਝ ਉਪਹਾਰ ਜ਼ਰੂਰ ਦਿਓ। ਇਸ ਤੋਂ ਇਲਾਵਾ ਸ਼ਨੀ ਮੰਦਰ ਜਾ ਕੇ ਸ਼ਨੀ ਦੇਵ ਨਾਲ ਸਬੰਧਤ ਚੀਜ਼ਾਂ ਦਾਨ ਕਰੋ।
ਕਰਕ ਰਾਸ਼ੀ: ਕਰਕ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਗਰੀਬਾਂ ਨੂੰ ਕਾਲ਼ੇ ਤਿਲ, ਉੜਦ ਦੀ ਦਾਲ, ਸਰ੍ਹੋਂ ਦਾ ਤੇਲ ਅਤੇ ਕੱਪੜੇ ਆਦਿ ਦਾਨ ਕਰਨ।
ਸਿੰਘ ਰਾਸ਼ੀ: ਸਿੰਘ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਹਨੂੰਮਾਨ ਜੀ ਦੀ ਪੂਜਾ ਕਰਨ ਅਤੇ ਉਸ ਤੋਂ ਬਾਅਦ ਸ਼ਨੀ ਦੇਵ ਦੀ ਪੂਜਾ ਕਰਨ ਅਤੇ ਛਾਇਆ ਦਾਨ ਕਰਨ।
ਕੰਨਿਆ ਰਾਸ਼ੀ: ਕੰਨਿਆ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਸ਼ਨੀ ਮੰਦਰ ਜਾ ਕੇ ਪੂਜਾ-ਪਾਠ ਕਰਨ ਅਤੇ ਸ਼ਨੀ ਮੰਤਰ ਦਾ ਜਾਪ ਕਰਨ।
ਤੁਲਾ ਰਾਸ਼ੀ: ਤੁਲਾ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਸ਼ਨੀ ਦੇਵ ਦੀ ਪੂਜਾ ਕਰਨ। ਇਸ ਤੋਂ ਬਾਅਦ ਕਾਲ਼ੇ ਜਾਂ ਫੇਰ ਨੀਲੇ ਕੱਪੜੇ, ਤਿਲ, ਕੰਬਲ਼ ਆਦਿ ਜ਼ਰੂਰਤਮੰਦ ਲੋਕਾਂ ਨੂੰ ਦਾਨ ਕਰਨ।
ਬ੍ਰਿਸ਼ਚਕ ਰਾਸ਼ੀ: ਸ਼ਨੀ ਜਯੰਤੀ ਦੇ ਦਿਨ ਭਗਵਾਨ ਹਨੂੰਮਾਨ ਜੀ ਦੀ ਪੂਜਾ ਕਰੋ। ਪੂਜਾ ਤੋਂ ਬਾਅਦ ਕਾਲ਼ੇ ਕੁੱਤੇ ਦੀ ਸੇਵਾ ਕਰੋ।
ਧਨੂੰ ਰਾਸ਼ੀ: ਧਨੂੰ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਪਿੱਪਲ ਦੇ ਰੁੱਖ ਦੀ ਪੂਜਾ ਕਰਨ ਅਤੇ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਓਣ।
ਮਕਰ ਅਤੇ ਕੁੰਭ ਰਾਸ਼ੀ: ਮਕਰ ਅਤੇ ਕੁੰਭ ਰਾਸ਼ੀ ਦੇ ਜਾਤਕਾਂ ਦੇ ਸੁਆਮੀ ਸ਼ਨੀ ਦੇਵ ਆਪ ਹਨ। ਅਜਿਹੇ ਵਿੱਚ ਸ਼ਨੀ ਜਯੰਤੀ ਦੇ ਦਿਨ ਵਿਧੀ-ਵਿਧਾਨ ਨਾਲ ਪੂਜਾ ਕਰਨ ਤੋਂ ਬਾਅਦ ਸ਼ਨੀ ਦੇਵ ਦੀਆਂ ਪਸੰਦ ਦੀਆਂ ਵਸਤਾਂ ਜ਼ਰੂਰਤਮੰਦ ਲੋਕਾਂ ਨੂੰ ਦਾਨ ਕਰੋ।
ਮੀਨ ਰਾਸ਼ੀ: ਮੀਨ ਰਾਸ਼ੀ ਦੇ ਜਾਤਕ ਸ਼ਨੀ ਜਯੰਤੀ ਦੇ ਦਿਨ ਪੀਲ਼ੇ ਕੱਪੜੇ, ਹਲਦੀ, ਕੇਸਰ ਆਦਿ ਦਾਨ ਕਰਨ ਅਤੇ ਹੋ ਸਕੇ ਤਾਂ ਵਿਸ਼ਣੂੰ ਚਾਲੀਸਾ ਦਾ ਜਾਪ ਕਰਨ।
ਸਾਰੇ ਜੋਤਿਸ਼ ਉਪਾਵਾਂ ਦੇ ਲਈ ਕਲਿੱਕ ਕਰੋ: ਐਸਟ੍ਰੋਸੇਜ ਆਨਲਾਈਨ ਸ਼ਾਪਿੰਗ ਸਟੋਰ
ਅਸੀਂ ਉਮੀਦ ਕਰਦੇ ਹਾਂ ਕਿ ਤੁਹਾਨੂੰ ਸਾਡਾ ਇਹ ਲੇਖ ਜ਼ਰੂਰ ਪਸੰਦ ਆਇਆ ਹੋਵੇਗਾ। ਜੇਕਰ ਅਜਿਹਾ ਹੈ ਤਾਂ ਤੁਸੀਂ ਇਸ ਨੂੰ ਆਪਣੇ ਬਾਕੀ ਸ਼ੁਭਚਿੰਤਕਾਂ ਨਾਲ਼ ਜ਼ਰੂਰ ਸਾਂਝਾ ਕਰੋ। ਧੰਨਵਾਦ!